Tag: Boodskappies

In ons soek en luister na wat God se wil is vir ons lewens, groei Sy leiding in ons harte en begin ons later "weet" wat Sy wil is.

In my wegleef van wat ek wil hê en my begin om uit dankbaarheid te gee, vanuit God se oorvloed, ontdek ek hoe die donker in my hart al hoe minder word.

Helder skyn U Lig vir die nasies. Meer as ooit is mense op soek na die ware Lig. Kom ons gaan wys dit vir hulle met ons liefde.

Om Lig te kan wees, moet ons wakker leef en die Gees van God vertrou om ons in God se Waarheid te lei. Jesus kom weer. Maak seker jy is reg.

Wanneer God se Lig ons harte verlig, verander dit ons kyk en beleef na alles rondom ons. In Sy Lig begin ons Hom dan in alles en almal raaksien.

In God se Lig ontdek ek die wonder van wie ek is en wie ek kan wees. Sy Gees wil my help om God se Waarheid vir my lewe te ontdek.

Die finale oorwinning is behaal! En die Oorwinnaar? Jesus!! Ons "bly-wees" hieroor moet soveel groter en meer wees as toe die Bokke die Wêreld-beker gewen het.

Ons is nie Lig-"draers" nie. Ons is God se wandelende Ligte in hierdie wêreld. Sy Gees woon in ons en Sy Liefde moet deur ons menswees skyn.

Die donkie was 'n niks. Die mense het vir Jesus toegejuig. Dit gaan nie oor ons nie, maar oor Hom wat ons waardig ag, om tempel van Sy Gees te wees.