Month: August 2021

In die ontslae raak van die dinge wat my ongeduldig maak en my proaktiewe keuses, word ek al hoe meer die kanaal waardeur God se geduld, vrylik na ander kan vloei

Hoe meer ek in my hart gaan sit, hoe meer kom ek tuis in die Een se teenwoordigheid wat alles gemaak het en wat sê Hy is my "Abba Vader".

Die oomblik as ek begin saai sonder verwagting word ek verras deur die opbrengs wat God gee. Net Hy kan laat ontkiem en laat groei. Ek moet doen wat ek moet doen en God toelaat om te doen wat net Hy kan doen

Deur die paddas in my lewenspyp te identifiseer, plan te sien met hulle en vry te kom van hulle, begin ek al hoe meer God se oorvloed van liefde, vreugde, vrede ens. ervaar.

God gee onvoorwaardelik Sy liefde aan almal ongeag van hul foute.Hy hou nooit op om vir ons lief te wees nie. Hoe meer jy soos Hy gee hoe meer gaan jy ontvang.

Hoe nader ek aan iemand leef, hoe meer ontdek ek sy hart en hoe meer wil ek by Hom wees. God woon in jou. Laat Hom toe om jou beste vriend te word.

God se doel met jou en my hier-wees op aarde is, om ons voor te berei, om vir ewig by Hom te kan wees.

Elke mens is net so sterk soos wat sy verhouding met God en ander mense is wat hom help om te kan wees en word wat God vir elkeen van ons droom. Begin leef vanuit God se krag en ander se inspraak.